Viðskiptaskilmálar Mannkenndar

Síðast uppfært 4. ágúst 2026.

1. Seljandi

Seljandi er:

Mannkennd bókaútgáfa
Einstaklingsrekstur
Hólavegur 4
580 Siglufjörður
Kennitala: 260580-5319
VSK-númer: 161437
Netfang: ingibjorg@mannkennd.is
Sími: 699 2668

Skilmálar þessir gilda um kaup á vörum í vefverslun Mannkenndar á mannkennd.is.

2. Verð

Öll verð í vefversluninni eru í íslenskum krónum og innihalda virðisaukaskatt.

Sendingargjald bætist við vöruverð þegar sending er valin. Heildarverð pöntunar, þar með talið sendingargjald, kemur fram í körfu og greiðsluferli áður en kaupandi staðfestir pöntun.

Mannkennd áskilur sér rétt til að breyta verði án fyrirvara. Breytingar hafa ekki áhrif á pantanir sem þegar hafa verið staðfestar.

Mannkennd áskilur sér rétt til að leiðrétta augljósar innsláttar-, birtingar- eða verðvillur. Ef slík villa hefur áhrif á pöntun verður haft samband við kaupanda, sem getur þá staðfest pöntunina á réttu verði eða hætt við kaupin og fengið greiðslu endurgreidda.

3. Vörulýsingar og framboð

Leitast er við að hafa vörulýsingar, verð og myndir eins nákvæm og unnt er. Litir og útlit geta þó birst lítillega mismunandi eftir skjám.

Allar pantanir eru háðar vöruframboði. Sé vara ekki til á lager fær kaupandi tölvupóst frá Mannkennd. Kaupandi getur þá valið að bíða eftir vörunni, breyta pöntuninni eða hætta við kaup á vörunni og fá hana endurgreidda.

4. Pöntun og samningsgerð

Kaupandi velur vöru, setur hana í körfu, skráir nauðsynlegar upplýsingar, velur afhendingarmáta og greiðsluleið og staðfestir síðan pöntunina.

Kaupandi ber ábyrgð á því að upplýsingar sem gefnar eru upp séu réttar, þar á meðal netfang, símanúmer og afhendingarheimilisfang.

Staðfesting á móttöku pöntunar er send á uppgefið netfang. Kaupsamningur telst kominn á þegar Mannkennd hefur staðfest pöntunina. Ef ekki er unnt að samþykkja pöntun verður kaupandi látinn vita og greiðsla endurgreidd.

5. Greiðsla

Greiðsla fer fram með þeim greiðslumátum sem eru í boði í greiðsluferli vefverslunarinnar.

Kortagreiðslur eru afgreiddar í gegnum örugga greiðslumiðlun Rapyd. Mannkennd fær ekki aðgang að fullum greiðslukortaupplýsingum kaupanda.

6. Sending og afhending

Mannkennd sendir eingöngu innan Íslands.

Sendingargjald er 1.490 kr. fyrir hverja pöntun nema annað komi skýrt fram í körfu eða greiðsluferli.

Pantanir á vörum sem eru til á lager eru að jafnaði afgreiddar og afhentar Póstinum næsta virka dag eftir að pöntun berst. Áætlaður flutningstími Póstsins er 2–3 virkir dagar frá því að sending er afhent flutningsaðila.

Afhendingartími er áætlun og getur lengst vegna helgidaga, veðurs, samgöngutruflana eða annarra ófyrirséðra atvika. Mannkennd aðstoðar kaupanda við að kanna stöðu sendingar ef hún skilar sér ekki innan eðlilegs tíma.

Kaupandi getur einnig valið fría afhendingu með því að sækja pöntun að Hólavegi 4, 580 Siglufirði. Kaupandi fær tölvupóst þegar pöntunin er tilbúin og skal sækja hana samkvæmt samkomulagi.

Nánari upplýsingar eru á síðunni „Sendingar og afhending“.

7. Afpöntun fyrir afhendingu

Vilji kaupandi hætta við pöntun áður en hún hefur verið send skal hafa samband eins fljótt og unnt er með tölvupósti á ingibjorg@mannkennd.is.

Hafi pöntun þegar verið afhent flutningsaðila fer um skil samkvæmt ákvæðum um rétt til að falla frá samningi.

8. Réttur til að falla frá kaupum og vöruskil

Kaupandi sem telst neytandi hefur 14 daga til að falla frá kaupum án þess að tilgreina ástæðu. Fresturinn hefst þegar kaupandi, eða annar aðili sem hann tilnefnir, hefur tekið vöruna í sína vörslu.

Kaupandi skal tilkynna Mannkennd með ótvíræðum hætti um ákvörðun sína áður en fresturinn rennur út. Tilkynning skal send á ingibjorg@mannkennd.is og þar skal koma fram nafn kaupanda, pöntunarnúmer og hvaða vöru eða vörum er skilað.

Kaupandi skal síðan senda eða afhenda vöruna án ástæðulausrar tafar og eigi síðar en 14 dögum eftir að tilkynning um að fallið sé frá kaupum var send.

Skilavörur skulu sendar eða afhentar á:

Mannkennd bókaútgáfa
Hólavegur 4
580 Siglufjörður

Kaupandi ber beinan kostnað af því að skila vöru þegar fallið er frá kaupum.

Kaupanda er heimilt að skoða vöruna með sambærilegum hætti og hægt væri í verslun. Kaupandi kann að bera ábyrgð á rýrnun á verðgildi vörunnar sem stafar af meiri meðferð en nauðsynleg er til að staðfesta eðli, eiginleika og virkni hennar.

Mannkennd endurgreiðir þær greiðslur sem falla undir lögbundinn rétt til endurgreiðslu, þar með talið kostnað við ódýrasta almenna afhendingarmáta sem í boði var þegar öll pöntunin er endursend. Beinn kostnaður við að skila vörunni er ekki endurgreiddur.

Endurgreiðsla fer fram með sama greiðslumiðli og notaður var við kaupin, nema sérstaklega sé samið um annað. Heimilt er að halda endurgreiðslu eftir þar til varan hefur borist Mannkennd eða kaupandi hefur lagt fram staðfestingu á endursendingu hennar.

9. Gölluð, röng eða skemmd vara

Ef röng vara berst, vara reynist gölluð eða hún skemmist áður en kaupandi tekur við henni skal hafa samband við Mannkennd eins fljótt og unnt er á ingibjorg@mannkennd.is.

Gott er að láta pöntunarnúmer og ljósmyndir fylgja tilkynningunni. Mannkennd ber eðlilegan sendingarkostnað vegna viðurkenndra galla eða rangrar afhendingar.

Um úrræði vegna galla fer samkvæmt lögum nr. 48/2003 um neytendakaup. Kvörtun innan tveggja mánaða frá því að kaupandi varð galla var telst ávallt hafa verið lögð fram tímanlega. Almennt skal kvörtun þó berast innan tveggja ára frá afhendingu vörunnar.

10. Ábyrgð og óviðráðanleg atvik

Mannkennd ber ábyrgð á pöntun þar til kaupandi eða aðili sem hann tilnefnir hefur tekið við henni, samkvæmt gildandi lögum.

Mannkennd ber ekki ábyrgð á töfum eða vanefndum sem stafa af óviðráðanlegum og ófyrirséðum atvikum að því marki sem gildandi lög heimila. Mannkennd mun eftir fremsta megni upplýsa kaupanda um slíkar tafir og finna viðeigandi lausn.

Ekkert í skilmálum þessum takmarkar ófrávíkjanleg réttindi neytenda samkvæmt lögum.

11. Persónuvernd

Meðferð persónuupplýsinga fer samkvæmt persónuverndarstefnu Mannkenndar, sem er aðgengileg á mannkennd.is/personuverndarstefna.

12. Hugverkaréttur

Texti, ljósmyndir, myndskreytingar, vörumerki og annað efni á vefsíðu Mannkenndar er verndað af höfundarétti og öðrum hugverkaréttindum. Óheimilt er að afrita eða nota efnið í atvinnuskyni án leyfis rétthafa.

13. Breytingar á skilmálum

Mannkennd áskilur sér rétt til að uppfæra skilmálana. Sú útgáfa sem var í gildi þegar pöntun var staðfest gildir um viðkomandi kaup.

14. Lög og ágreiningur

Um kaupin gilda íslensk lög.

Komi upp ágreiningur skulu kaupandi og Mannkennd fyrst leitast við að leysa málið sín á milli. Neytandi getur einnig vísað ágreiningi til Kærunefndar vöru- og þjónustukaupa á kvth.is eða leitað til almennra dómstóla.