.png)
WELCOME! WE WILL TAKE OFF SOON!
Lísa er nýflutt til Lóuvíkur og kvíðir því að byrja í nýjum skóla. Þá kynnist hún Líó, geimrefi sem er strandaglópur á jörðinni. Bæði þurfa þau að fóta sig í ókunnugu umhverfi og með þeim myndast óvænt vinátta.
Hlýleg og litrík myndasaga um einhverfu, vináttu og ólíkar leiðir til að upplifa heiminn.
Bókin er gefin út í samstarfi við Einhverfusamtökin.
 |  |  |
|---|---|---|
 |  |
Gefum öllum börnum pláss í bókum!
Mannkennd gefur út barnabækur þar sem fötluð börn fá að vera í aðalhlutverki, með styrkleika sína, drauma og áskoranir.
Við viljum að börn geti fundið eigin reynslu í sögum og um leið kynnst lífi annarra. Þannig geta bækur bæði verið spegill og gluggi — og opnað samtal um fjölbreytileika, skilning og samkennd.
Fræðsla
Stillt og dugleg. Þegar einhverfan er ósýnileg.
Mannkennd býður upp á fræðslu fyrir starfsfólk skóla og foreldrafélög um einhverf börn sem lítið fer fyrir og virðast standa sig vel, þótt vanlíðan og stuðningsþarfir fari fram hjá umhverfinu.
Fjallað er um möskun — þegar börn fela einkenni sín eða laga hegðun sína að væntingum umhverfisins — ásamt skynálagi og muninum á sýnilegri hegðun og líðan barns. Áhersla er á að hlusta á upplifun barnanna, koma auga á aðstæður sem valda álagi og efla samtal heimilis og skóla.
Fræðslan er unnin í samstarfi við Einhverfusamtökin og tengist bókinni Lísa og Líó – stelpan og geimrefurinn. Markmiðið er að efla skilning á þörfum barnanna og stuðla að viðeigandi stuðningi.